cross stitch دورة الايتامين بدات قولو بسم الله وحياكم

عندنا اهم شي هو الخامه….. قماش الايتامين يكون من القطن..عباره عن مربعات وفيها مسافات عشان
التطريز..

.وتلاقيها بألوان متنوعه ..على حسب الشي الي تبغي تعمليه ..واسمه بالانجليزي Aida fabric…

.اما قماش الكنفا اسمه evenweave fabric وممكن تعملو بحث عنهم وتشوفوهم….الحلو في قماش الايتامين تلاقيه
في كل محلات الاقمشه.!!

يعني انا اشتريه من جرير مرات وبكل الدرجات وسعره مناسب….. وهنا صور أمثله لها من
تصويري.. تختلف بعض الاقمشه بحجم فتحاتها..

…بس المتوسط هو اريح شي للنظر.وكل ماكانت الفتحه كبيره الصوره راح تكبر وانتي تطبقيها.

ثاني شي عندنا الخيوط….وهذي نقطة ضروريه مهمه…لما تكون الخيوط اصليه راح تعيش معاكي اكثر وماراح
يتحول لونها او تفصخ على القماش وقت الغسيل..

..واحسن خيوط عن تجربه هي خيوط DMC وانا اشتري اللون الواحد ب 3 ريال…. وهذي
صور لها خيوطي جبت لها علبه من عادل خاصه فيها…..وصرت احطها هناك وبكذا ما تضيع
ولا اخاف عليها…!! وحتى لو بقي شوي من الخيط فيه كرتون الف الخيط فيها