ماسكات بالقهوة , مفتاح تفتيح ونقاء بشرتك فى القهوه

اصبحت الماسكات التي تحتوي علي القهوة امر اساسي

في جمال البشرة للنساء لما تحتوي علية من عناصر غنية تفيد

الجلد من تنقية و تفتيح و شد الجلد و التي تغني عن الذهاب لعيادات

الترائع و حقن البوتوكس و الفيلر او الليزر الذي يرهق الجلد

 

ماسك القهوه و العسل:

الماسك دة جميل للبشره بيرطبها و يخليها منوره و جميلة.

المكونات:

• معلقه كبيره قهوة.
• معلقه كبيره عسل.

كيفية التحضير و الاستخدام:

هنجيب طبق صغير هنحط فية القهوه و العسل و نخلطهم مع بعض كويس جدا جدا بعد كده

هتفردى الخليط علي بشرتك و تعملى مساج للبشره بانك تدلكى بشرتك بالراحه في

حركات دائريه و ثم هتسيبية علي و شك 20 دقيقه لحد ما ينشف و ثم تغسلى و شك بالميه.

2- ماسك القهوه و الشوفان:

الماسك دة مقشر و مرطب للبشرة.

المكونات:

• معلقه كبيره قهوة.
• معلقه كبيره شوفان مطحون.
• معلقه كبيره زبادي.

كيفية التحضير و الاستخدام:

هنخلط القهوه و الزبادى و الشوفان مع بعض كويس لحد ما تتكون عندنا عجينه مش

سايله اوى و مش سميكه اوى يعنى يصبح سمكها مناسب عشان تفرديها على

وشك بسهوله ثم هتفردى الخليط علي و شك و رقبتك و تسيبية نصف ساعة

و ثم هتغسلى و شك بميه دافية.

3- ماسك القهوه و الكاكاو:

الماسك دة بيعالج اي اضرار او تلف فالجلد لان القهوه و الكاكاو فيهم مواد مضاده للاكسده بتجدد الجلد.

المكونات:

• معلقه كبيره قهوة.
• معلقه كبيره كاكاو.
• شويه لبن للعجن.

كيفية التحضير و الاستخدام:

حطى القهوه و الكاكاو مع بعض و حطى عليهم اللبن شويه شويه لحد ما تبقي عندك

عجينه سمكها كويس متكونش سايله اوى بعد كدة حطى الخليط علي و شك و رقبتك

وسيبية نصف ساعه و ثم تغسلى و شك بالمية.

4- ماسك القهوه و زيت الزيتون:

الماسك دة مفيد جدا جدا للبشره الجافه بشكل خاص لانة بيرطب الجلد جدا.

المكونات:

• معلقه كبيره قهوة.
• معلقه كبيره زيت زيتون.

كيفية التحضير و الاستخدام:

هنخلط القهوه و زيت الزيتون كويس و نحطة علي الوش و الرقبه و متسيبهوش ينشف

اوى سيبية بس 3 دقايق مش اكتر و ثم اغسلى و شك بالميه و هتحسى بالفرق

من اول استعمال للماسك دة هتلاقى بشرتك ناعمه و منورة.

5- ماسك القهوه و الليمون:

الماسك دة مفيد جدا جدا للى بشرتهم دهنيه لان فية ليمون و بينضف المسام من جوه.

المكونات:

• معلقه كبيره قهوة.
• شويه عصير ليمون علي ربما ما تعجنى القهوه بيها.

كيفية التحضير و الاستخدام:

اعجنى القهوه مع عصير الليمون لحد ما يبقي عند خليط مناسب تقدرى تفردية علي و شك

حطية علي الوش و الرقبه و سيبية نصف ساعه و ثم اغسلية بالمية.

وبعد ما تعملى الماسكات هتلاقى بشرتك احلي بكتير و دى الفوايد اللى هتعملها الماسكات لبشرتك:

القهوه بتزود الدوره الدمويه فالبشره و دة هيخلى بشرتنا صحيه و منورة.

المواد المضاده للاكسده اللى موجوده فالقهوه بتنضف البشره و المسام من جوه.

القهوه بتحمى بشرتك كمان من الاشعه فوق البنفسجيه و دة هيحمى جلدك من التلف.

ماسكات بالقهوة

مفتاح تفتيح و نقاء بشرتك فالقهوه

ماسك القهوة للبشره