كيفية عجيبة و لذيذة للاندومي ، الاندومي بطرق مختلفه
الاندومي من الوجبات السريعة و المحبوبة لدي الاطفال و الكبار و ممكن تحضير الاندومي بطرق مختلفة غير تقليدية لتمون و جبة غذائية مكتملة لكي و لطفلك
1-شوربه الخضار مع الفراخ و الرامن نودلز
تقدرى تحضرى شوربه خضار بها مجموعه متنوعه من الخضراوات المشكله الى بتحبيها مع مرقه فراخ متحضره فالبيت و متنكهه بكل المطيبات الى متعودين عليها، و لمزيد من النكهة ضيفى شوية من عصير الطماطم للمرقة و النودلز و سيبيها تستوى مع جميع الخضراوات دى هتكون طبق شوربه هايل للشتا، قدميها مع شرايح الفراخ.
2- برطمان سلاطه التونه بالنودلز و الخضار
فكره السلاطه فالبرطمانات فكره محبوبه و عمليه جدا جدا عشان تاخديها معاكى الشغل.كل الى هتعملية انك هتسلقى النودلز فمية مغليه او تضيفى عليها مية مغليه و تغطيها شوية لحد ما تستوى و تبرديها و تجمعة البرطمان بتاعك، هتعملى طبقات من الخضراوات الى بتفضليها مع طبقه من التونة و الدريسينج الى تحبية و قت الأكل هترجى البرطمان و تفضية فالطبق و تاكليه
3- الإندومى مع البيض: النودلز الحاره مع البيض المسلوق
ناس كتير بتحب النودلز عشان مشطشطه و بما ان احنا هنستغتي عن التوابل و البهارات الموجوده معاها يبقي لازم يصبح فبديل.
هنستخدم صوص السيراتشا الحراق و دة نوع من الصوصات الآسيويه الحراقه جدا جدا مع ملعقه من الجنزبيل الفريش المفروم و التوم المفروم هنشوحهم علي النار فمعلقه صغيره من الزيت و نضيف صوص السيراتشا و نضيف المرقه المنزلى سواء مرقه خضار او فراخ و بكدة نكون نكهنا مرقه تسويه النودلز، هنضيف بعد كدة النودلز لحد متستوى و نزينها بالفلفل الحار و الكزبره الخضرا و البصل الأخضر مع بيضه مسلوقه لإضافه عنصر البروتين. احترسوا من الوصفه دى لإنها مش لأصحاب القلوب الضعيفه و حراقه جدا جدا و مش للأطفال.
4-ستير فراى الرامن نودلز مع الخضار و الفراخ او اللحمة
استخدمى جميع بواقى الخضار الموجوده عندك فالتلاجه و كمان بواقى الفراخ او اللحمه المشوية او المسلوقه فالوصفه دى و إعملى و جبه متكاملة.
فى طاسة و اسعة علي نار عاليه هتشوحى الخضراوات و الفراخ مع جنزبيل و توم مفرومين و تضيفى شوية من الصويا صوص و عليهم النودلز المسلوقة، هتقلبى كلة بسرعه لحد ميندمجوا و يفضل الخضار مقرمش و محتفظ بلونة و تتاكل ساخنة.
كيفية عجيبة و لذيذة للاندومى
الاندومي بطرق مختلفه
- كيف تسوين الاندومي بلحمه
