توحيد لون الجسم بلا خلطات بلا وجع قلب , طرق تفتيح لون الجسم
كلنا نعاني من عدم توحد لون الجسم ويكون نتيجه التعرض لاشعه الشمس او الاحتكاك يعمل
علي تغيير بعض الاماكن ولذلك نقدم طريقه لتوحيده وعن تحربة
هذا الموضوع تجربتي انا (صرخة نمله)
صبحمسيكم بالخير
الى معشر الكسلانات اللي زيي .. اللي مايستمرون على شي ويزهقون بسرعه ومايحبون يحطون خلطات
ويقعدون فيها نص ساعه وساعه
اعلن انشقاقي عن كل الخلطات والزيوت والبربسه اللي مالها سنع واللي ضيعت فلوسي وترست دولابي
زيوت وكريمات وبلاوي مالها اول من اخر
واللي شجعني هذا النشمي
Glycolix Elite 15% Body Lotion
لوشن احماض الفواكة بالاضافه الى فيتامينات A,C,Eيسوي تقشير للجسم بس تقشيره بطيء توصلين للنتيجة النهائية بعد 3 شهور
انا اللحين لي شهر والله يابنات ولا خلطة سوت معاي اللي سواه
كان عندي سواد في منطقة البطن وراح بنسبة 70٪ والله بطني صار قريب
للون جسمي والكوع فتح والركب واخر الظهر والمنطقه الحساسه والابط تغيرت
وصارت انعم وافتح 50٪
وجسمي فيه لمعه والاحلى
انا عندي في يدي من فوق اللي هي منطقة الزند حبوب صغار زي المسامات البنيه
هذي عباره عن مسامات مسدودة بجلد ميت زي ماقالت لي الدكتورة
حاليا مو باينه الا من قريب مرررررررره خفت الحمد لله وصرت اقدر اشوف جسمي
في المرايه بعد ماكنت اتحشى اطل فيها من الاحباط وكثر الخرابيط اللي جربتها ولا فادت
بعطيكم معلومات متفرقه احاول اغطي فيها كل الاسئله المتوقعه لانه بصراحه ما ادخل المنتدى كثير
– يوحد لون الجسم ويصفيه وينعمه ويشيل اثار الحبوب والنقط اللي على الارداف
ويخفف المسامات الكبيرة ولأنه يقشر فا يطلع الشعر اللي تحت الجلد
وكمان قرأت انه يفيد في تشققات البطن والارداف والصدر بس انا مافيني
كثير واحس انها تحسنت يمكن لان الاماكن اللي كانت فيه غامقه و هي بيضا فا
لما فتحت الاماكن هذي حسيتها خفت
– استعملته مره وحده في اليوم قبل النوم والافضل بعد شاور بس انا بصراحه
لا شاور ولا شي احط وانام
– لازم ماتتعرضين للشمس زي اي مقشر ثاني واذا
توحيد لون الجسم بلا خلطات بلا وجع قلب
توحيد الون الجسم بلا خلطات بلا وجع قلب
